Futbol o‘yinida to‘p chayqaga tegib ketdi
Turkiyada bo‘lib o‘tgan «Mevlanakapi Guzelhisar» va «Istanbul Yurdum Spor» futbol uchrashuvida noodatiy holat yuz berdi. Bu haqda Zamin.uz xabar berdi.
O‘yinda darvozabon to‘pni uzoqqa tepmoqchi bo‘lganida, to‘p maydon ustidan uchib o‘tayotgan chayqaga tegib ketdi. Ushbu voqea ijtimoiy tarmoqlarda keng tarqaldi.
Bu haqda euro-football.ru xabar berdi. Hodisa sodir bo‘lgan zahoti, har ikki jamoa futbolchilari qushning oldiga yugurib borishdi.
«Istanbul Yurdum Spor» jamoasi sardori Gani Chatan vaziyatni tezda tushunib, chayqaga yurak massaji qila boshladi. Shundan so‘ng, qushni maydon chetidagi tibbiyot xodimlariga topshirdi.
Turkiyaning AA nashri bergan ma’lumotga ko‘ra, chayqa omon qolgan. Hozirda u uchishga qodir emas, lekin veterinarlarga topshirilgach, sog‘ayishi kutilmoqda.
Mutaxassislar qushning asta-sekin tiklanib, yana uchishi mumkinligini ta’kidlashmoqda.
