Frenki de Yong jarohat oldi, 6 hafta o‘ynamaydi

Barselona futbol klubi rasmiy saytida Frenki de Yongning jarohat olgani haqida ma’lumot berildi. Bu haqda Zamin.uz xabar berdi.

Niderlandiyalik yarim himoyachi payshanba kungi mashg‘ulotlar vaqtida shikastlangan. Bu haqda euro-football.ru xabar qilgan.

Tibbiy ko‘rik natijalariga ko‘ra, 28 yoshli futbolchining o‘ng sonining orqa qismida tashqi tomondan jarohat aniqlangan. Klub vakillarining ma’lum qilishicha, futbolchining to‘liq tiklanishi taxminan besh-olti hafta davom etadi.

Shu sababli, Frenki de Yongning aprel oyining birinchi yarmida safga qaytishi kutilmoqda. Jarohati tufayli de Yong bir necha muhim o‘yinlarni, jumladan Chempionlar ligasi 1/8 finalining har ikki uchrashuvini ham o‘tkazib yuboradi.

Shuningdek, Barselona 28-fevral kuni bo‘lib o‘tadigan Villarrealga qarshi o‘yinda ham Frenki maydonga tusha olmaydi. Bu holat jamoa o‘yiniga sezilarli ta’sir ko‘rsatishi mumkin.
"ONE.UZ" yangiliklarini "Telegram"da kuzatib boring