Futbol maydonida jarohatlangan chayqa qutqarildi
Turkiyada "Mevlanakapi Guzelhisar" va "Istanbul Yurdum Spor" jamoalari o‘rtasidagi futbol o‘yini davomida noodatiy holat yuz berdi. Bu haqda Zamin.uz xabar berdi.
O‘yinda darvozabon to‘pni uzoqlashtirayotgan paytda, tasodifan maydon uzra uchib o‘tayotgan chayqaga tegib ketdi. Ushbu voqea aks etgan video ijtimoiy tarmoqlarda keng tarqaldi.
Bu haqda euro-football.ru xabar bermoqda. Hodisa sodir bo‘lgach, har ikki jamoa futbolchilari darhol qush tomon yugurib bordi.
"Istanbul Yurdum Spor" jamoasi sardori Gani Chatan vaziyatni tezda baholab, qushga bilvosita yurak massaji qila boshladi. Shundan so‘ng, chayqa maydon chetida turgan tibbiyot xodimlariga topshirildi.
Turkiyaning AA portali ma’lumotiga ko‘ra, chayqa omon qolgan. Dastlab u bir muddat ucholmasligi mumkinligi aytilgan, ammo veterinarlarga topshirilgach, uning asta-sekin sog‘ayib ketishi kutilmoqda.
Ushbu voqea futbol maydonida insonparvarlik namunasini ko‘rsatgan holatlardan biri sifatida yodda qoldi.
