Mostovoy: PSJ darvozabonini baholash oson emas

Rossiyalik sobiq futbolchi Aleksandr Mostovoy PSJ jamoasi darvozaboni Matvey Safonovning faoliyati haqida o‘z fikrlarini bildirdi. Bu haqda Zamin.uz xabar berdi.

U Safonov berilgan imkoniyatlardan foydalanishga harakat qilayotganini ta’kidladi. Bu haqda *euro-football.ru* xabar berdi.

Mostovoyning aytishicha, PSJ kabi yirik jamoada darvozabon o‘yinini baholash oson emas. Chunki bunday kuchli klublarda raqiblar ko‘pincha butun uchrashuv davomida darvozaga bir-ikki marta zarba yo‘llaydi.

Boshqa jamoalarda esa darvozabon ko‘proq, hatto 20 martagacha sinovdan o‘tishi mumkin. Unga ko‘ra, darvozabonni tanqid qilish uchun har doim sabab topish mumkin.

Ma’lumot uchun, chorshanba kuni PSJ Chempionlar ligasi doirasida o‘z maydonida "Monako"ga qarshi o‘yin o‘tkazib, 2:2 hisobida durang qayd etdi. Ikki o‘yin natijasiga ko‘ra, parijliklar 5:4 hisobida ustun kelib, 1/8 final bosqichiga yo‘l oldi.

Ushbu bosqichda PSJning ehtimoliy raqiblari "Barselona" yoki "Chelsi" bo‘lishi mumkin.