Manuel Noyer "Bavariya"ni tark etishi mumkin
Myunxenning "Bavariya" klubi darvozaboni Manuel Noyerning kelajagi hozircha noma’lum bo‘lib qolmoqda. Bu haqda Zamin.uz xabar berdi.
Klub sardori bo‘lgan tajribali posbon joriy mavsum yakunida jamoani tark etishi mumkin. Mart oyida 40 yoshga to‘ladigan Noyer faoliyatini davom ettirish yoki yakunlash masalasida hali qat’iy qarorga kelgani yo‘q.
Bu haqda *euro-football.ru* xabar berdi. "Bavariya" va Germaniya futboli haqidagi yangiliklarga ko‘ra, agar Noyer kelasi yozda klubni tark etsa, uning o‘rnini 22 yoshli Jonas Urbik egallashi kutilmoqda.
Klub rahbariyati Urbikni asosiy darvozabon sifatida ko‘rmoqda va unga raqobatchi olib kelmaslikka qaror qilgan. Aytish joizki, "Bavariya" yangi darvozabon sotib olishi mumkin, lekin u faqat zaxira o‘yinchisi sifatida ko‘rib chiqiladi.
Manuel Noyer 2011 yildan beri "Bavariya" safida harakat qilib keladi. U joriy mavsumda 28 o‘yinda maydonga tushib, 27 ta gol o‘tkazib yuborgan.
Yosh darvozabon Jonas Urbik esa shu mavsumda 9 uchrashuvda qatnashib, 8 ta gol o‘tkazgan. Ko‘rinib turibdiki, klub kelajagi uchun yangi avlod darvozabonlariga ishonch bildirmoqda.
