Manuel Noyer "Bavariya"ni tark etishi mumkin

Myunxenning "Bavariya" futbol klubi darvozaboni Manuel Noyer joriy mavsum yakunida jamoani tark etishi mumkin. Bu haqda Zamin.uz xabar berdi.

Ma’lumki, mart oyida 40 yoshga to‘ladigan jamoa sardori hali faoliyatini davom ettirish yoki yakunlash bo‘yicha yakuniy qarorga kelmagan. Bu haqda euro-football.ru xabar tarqatdi.

"Bayern & Germany" manbasiga ko‘ra, agar Noyer yozda jamoani tark etsa, uning o‘rnini egallash uchun asosiy nomzod sifatida Jonas Urbig ko‘rilmoqda. Klub Urbigga raqobatchi qidirmaslikni rejalashtirgan.

Shuningdek, "Bavariya" yangi darvozabonni faqat zaxira o‘yinchi sifatida taklif qilishi mumkinligi aytilmoqda. Manuel Noyer 2011 yildan beri "Bavariya" safida o‘ynab kelmoqda.

Joriy mavsumda u 28 ta o‘yinda maydonga tushib, 27 ta gol o‘tkazib yuborgan. 22 yoshli Jonas Urbig esa hozirgi mavsumda 9 ta o‘yinda qatnashib, 8 ta gol o‘tkazgan.

"Bavariya" rahbariyati yaqin kelajakda darvoza chizig‘ida barqarorlikni saqlash uchun Urbigga katta e’tibor qaratmoqda.