Galatasarayda moliyaviy muammolar: futbolchilar maoshi kechikmoqda
Konyasporga qarshi o‘yinda kutilmagan mag‘lubiyatdan so‘ng, Galatasaray jamoasi ichida muammolar borligi haqida xabarlar tarqaldi. Bu haqda Zamin.uz xabar berdi.
TR24 ma’lumotiga ko‘ra, klub futbolchilari maoshlarini o‘z vaqtida ololmayapti. Ushbu holat haqida euro-football.ru nashri ham xabar berdi.
Manbalarga ko‘ra, futbolchilar maoshi uch oydan beri kechikmoqda. Klub rasmiylari bu borada izoh bermayotganligi vaziyatni yanada murakkablashtirmoqda va OAV hamda muxlislarning qiziqishini oshiryapti.
Mahalliy jurnalist Xalik Yurekli mazkur moliyaviy muammolar Galatasarayning chempionlik imkoniyatlariga salbiy ta’sir ko‘rsatishi mumkinligini ta’kidladi. Shunga qaramay, hozirda jamoa 55 ochko bilan chempionatning peshqadam jamoasi bo‘lib turibdi.
Ammo 52 ochkoga ega va bir o‘yini zaxirada qolgan Fenerbahche raqobatda tez orada yetib olishi ehtimoli yuqori. Bu holat Galatasaray uchun bosimni yanada oshirishi mumkin.
