Benjamin Pavarga "Borussiya" va Saudiya klublari qiziqmoqda
Himoyachi Benjamin Pavarning kelgusi yozgi transfer oynasida yana klubini o‘zgartirishi ehtimoli mavjud. Bu haqda Zamin.uz xabar berdi.
Bu haqda euro-football.ru xabar berdi. Hozirda fransuz futbolchi mavsum oxirigacha "Inter"dan ijaraga olingan holda "Marsel" jamoasi safida to‘p surmoqda.
Klub uni to‘liq sotib olish uchun 15 million yevro miqdoridagi bandni faollashtirishni rejalashtirayotgani aytilmoqda. Jurnalist Nikolo Skira ma’lumotiga ko‘ra, 29 yoshli futbolchi bilan yaqinda Germaniyaning Dortmund shahri vakili "Borussiya" klubi qiziqish bildirgan.
Shuningdek, Saudiya Arabistonidan nomi oshkor qilinmagan bir jamoa ham futbolchini o‘z tarkibiga qo‘shib olish niyatida. "Inter" rahbariyati esa Pavarning kelajagini yozgi transfer oynasida hal qilib, uni sotish orqali daromad olishga umid qilmoqda.
Transfermarkt ma’lumotiga ko‘ra, Pavarning transfer bozoridagi qiymati 20 million yevroga baholanmoqda. Uning "Inter" klubi bilan amaldagi shartnomasi 2028 yilning o‘rtalarigacha davom etadi.
