Manuel Noyer "Bavariya"ni tark etishi mumkin

Myunxenning "Bavariya" futbol klubi darvozaboni Manuel Noyer joriy mavsum yakunida jamoani tark etishi ehtimoli mavjud. Bu haqda Zamin.uz xabar berdi.

Mart oyida 40 yoshga to‘ladigan tajribali sardor hozircha faoliyatini davom ettirish yoki yakunlash borasida aniq qarorga kelmagan. Bu haqda euro-football.ru xabar bermoqda.

"Bayern & Germany" xabariga ko‘ra, agar Noyer yozda klubdan ketishga qaror qilsa, asosiy darvozabon sifatida Jonas Urbigni tanlash masalasi deyarli hal qilingan. Klub yangi darvozabonni faqat zaxira o‘rni uchun jalb qilishi mumkin, ammo Urbigga raqobatchi izlash rejalashtirilmagan.

Manuel Noyer 2011 yildan buyon "Bavariya" safida to‘p surib kelmoqda. U joriy mavsumda 28 ta o‘yinda maydonga tushib, 27 ta gol o‘tkazib yubordi.

22 yoshli Jonas Urbig esa bu mavsumda 9 ta o‘yinda qatnashib, 8 ta gol o‘tkazgan. "Bavariya"ning darvozabonlar bo‘yicha yangi rejasi klubning kelgusi mavsumdagi maqsadlariga mos ravishda shakllanmoqda.