Rossiyalik darvozabonlar muvaffaqiyati ruhiyat bilan bog‘liq
Rossiya terma jamoasi darvozabonlar murabbiyi Vitaliy Kafanov Matvey Safonov va Nikita Haykinning sportdagi muvaffaqiyatlarini ularning o‘ziga xos ruhiyati bilan bog‘liq ekanini ta’kidladi. Bu haqda Zamin.uz xabar berdi.
Bu haqda euro-football.ru xabar bergan. Ma’lum qilinishicha, Nikita Haykin himoya qilayotgan Norvegiyaning «Bude-Glimt» klubi ilk bor Chempionlar ligasi 1/8 final bosqichiga yo‘l olgan.
Shu bilan birga, Matvey Safonov o‘ynayotgan «PSJ» jamoasi ham ayni bosqichda qatnashmoqda va Fransiya chempionatida peshqadamlik qilmoqda. Kafanovning fikricha, bu yutuqlar tasodifiy emas, aksincha, tarixan rus xalqining ruhiyatida qutqarish, yordam berish va qahramonlikka intilish kuchli bo‘lgani bilan bog‘liq.
Murabbiyga ko‘ra, aynan shu sifatlar darvozabonlar uchun juda muhim va ular sportda muvaffaqiyatga erishishda muhim rol o‘ynaydi. Shuningdek, Kafanov Avstriyaning «Shturm» klubida o‘ynayotgan Daniil Hudyakovni ham alohida e’tirof etdi.
Haykin haqida esa u Norvegiya darvozabonlik maktabining mahsuli ekanini qayd etib, mahalliy futbol tizimining bu boradagi rolini ta’kidladi.
