Jikiya jarohatdan forig‘, asosiy tarkibga qaytishi kutilmoqda

Turkiyaning "Antalyaspor" futbol klubi himoyachisi Georgiy Jikiyaning so‘nggi vaqtlarda kam maydonga tushayotgani uning jarohati bilan bog‘liq. Bu haqda Zamin.uz xabar berdi.

Bu haqda futbolchini vakillayotgan agent Malik Arutyunov ma’lum qildi. Ushbu xabarni euro-football.ru sayti tarqatdi.

Agentning so‘zlariga ko‘ra, Jikiya jarohatidan to‘liq tiklangan va jamoaga yaqinda tayinlangan yangi bosh murabbiy unga ishonch bildirgan. Arutyunovning fikricha, futbolchi yaqinlashib kelayotgan "Fenerbahche"ga qarshi uchrashuvda asosiy tarkibda maydonga tushishi mumkin.

Shuningdek, agentning ta’kidlashicha, Jikiyaning jamoada kam o‘ynashi faqat jarohat bilan bog‘liq bo‘lgan. U bu mavsumda murabbiylar shtabi uch marta o‘zgarganini va har bir murabbiyning o‘z qarashlari borligini eslatib o‘tgan.

Ma’lumotlarga ko‘ra, Jikiya 2025/2026 yilgi mavsumda Turkiya chempionati va kubogida jami 13 o‘yinda qatnashib, ikki gol kiritishga muvaffaq bo‘lgan.