Kurt Zuma "Al-Vasl" klubiga o‘tdi
Kurt Zuma Birlashgan Arab Amirliklarining "Al-Vasl" klubiga o‘tdi. Bu haqda Zamin.uz xabar berdi.
Avvalroq Londondagi "Chelsi" jamoasida faoliyat yuritgan fransiyalik markaziy himoyachi so‘nggi paytlarda Ruminiya chempionatida to‘p surayotgan edi. U "Kluj" jamoasiga qo‘shilganidan so‘ng atigi olti oy o‘tib, mazkur klubni tark etdi.
Futbolchining yangi jamoasi haqida euro-football.ru nashri xabar berdi. "Al-Vasl" klubiga o‘tish jarayonida sport direktori Erik Abidal muhim rol o‘ynagan.
Muzokaralar natijasida Zuma BAA klubi safiga qo‘shilish haqida qaror qabul qildi. Qayd etish joiz, bu futbolchi avval ham Yaqin Sharqda faoliyat olib borgan.
O‘tgan mavsumda u Saudiya Arabistonining "Al-Oroba" klubida ijara asosida o‘ynagan edi. Zuma uzoq vaqt davomida Angliyaning "Vest Hem" jamoasida ham to‘p surgan.
Biroq mazkur klub bilan shartnoma bekor qilinganidan keyin futbolchi Ruminiyaning "Kluj" klubida o‘ynay boshladi. Ammo bu hamkorlik uzoq davom etmadi va yarim yil ichida yakunlandi.
Endilikda futbolchi o‘z faoliyatini BAAning "Al-Vasl" klubida davom ettiradi.
