Turkiyada ikki futbolchi tikish jinoyatida gumon qilinmoqda

Turkiyaning ikki mashhur futbol klubi — «Galatasaray» va «Fenerbahche» futbolchilari sportga tikish bilan bog‘liq jinoyat ishi sababli qamoq jazosi olish xavfi ostida qolmoqda. Bu haqda Zamin.uz xabar berdi.

Bu haqda *euro-football.ru* xabar berdi. Ma’lumotlarga ko‘ra, «Galatasaray» futbolchisi Metehan Baltachi va «Fenerbahche» sardori Mert Hakan Yandash ushbu ishda gumon qilinmoqda.

Baltachiga 13 yilgacha, Yandashga esa 17 yilgacha ozodlikdan mahrum etilish jazosi qo‘llanilishi mumkin. Turkiyaning *Sabah* nashri xabariga ko‘ra, Metehan Baltachi kamida ikki marta «Galatasaray» jamoasi o‘yinlariga stavka qilgan.

Garchi u o‘sha o‘yinlarda asosiy tarkibda maydonga tushmagan bo‘lsa-da, jamoa qaydnomasida kiritilgani sababli o‘yin natijasiga bilvosita ta’sir ko‘rsatish ehtimoli mavjud edi. Amaldagi Turkiya qonunchiligiga binoan, professional futbolchilar bukmekerlik tizimida o‘zining sportchi ekanini ma’lum qilishi shart.

Ammo Baltachi bu talabni bajarmagan. Shu sababli unga nisbatan qonunchilikka zid harakatlar bo‘yicha ayblov ilgari surilgan.

Ushbu holat futbolchilar uchun jiddiy javobgarlikni keltirib chiqarishi mumkin.