Vinisius Junior "Manchester Siti"ga o‘tishi mumkin

Madridning "Real" klubi hujumchisi va Braziliya terma jamoasi futbolchisi Vinisius Junior faoliyatini Angliya Premer-ligasida davom ettirishi mumkin. Bu haqda Zamin.uz xabar berdi.

"Marca" nashrining xabariga ko‘ra, "Manchester Siti" klubi futbolchiga katta qiziqish bildirmoqda. Bu haqda euro-football.ru ma’lum qildi.

Manbaning ta’kidlashicha, ingliz klubi Vinisiusning "Real"dagi vaziyatini diqqat bilan kuzatib bormoqda. Agar sharoit mos kelsa, "Manchester Siti" braziliyalik vingerning transferi bo‘yicha muzokaralarni boshlashga tayyor.

Transfer narxi taxminan 150 million yevro atrofida baholanmoqda. Vinisiusning "Real" bilan amaldagi shartnomasi 2027 yil yozigacha mo‘ljallangan.

Joriy mavsumda futbolchi "Real" safida 37 ta uchrashuvda maydonga tushib, 13 ta gol urgan va 11 ta golli uzatma amalga oshirgan. Shu sababdan, uning xizmatlariga qiziqish katta bo‘lib, bu transfer futbol olamida katta e’tibor qozonishi mumkin.