Turkiyada ikki futbolchi tikish mojarosi sabab qamalishi mumkin

Turkiyada Galatasaray va Fenerbahche klublari futbolchilari tikish bilan bog‘liq jiddiy mojaro sababli qamoq jazosi xavfi ostida qolmoqda. Bu haqda Zamin.uz xabar berdi.

Bu haqda euro-football.ru xabar berdi. Gap Galatasaray klubi futbolchisi Metehan Baltadji va Fenerbahche sardori Mert Hakan Yandash haqida ketmoqda.

Ma’lumotlarga ko‘ra, Metehan Baltadji 13 yilgacha, Mert Hakan Yandash esa 17 yilgacha ozodlikdan mahrum etilishi mumkin. Sabah nashrining yozishicha, Baltadji kamida ikki marta Galatasaray o‘yinlariga tikish qilgan.

Ushbu uchrashuvlarda u asosiy tarkibda maydonga tushmagan, biroq jamoa qaydnomasiga kiritilgan. Bu esa nazariy jihatdan o‘yin natijasiga ta’sir ko‘rsatish imkoniyatini yuzaga keltirgan.

Turkiya qonunchiligiga ko‘ra, professional futbolchilar bukmekerlik faoliyatida qatnashish niyatini rasmiy ravishda ma’lum qilishi shart. Ammo Baltadji bu talabni bajarmagan.

Ushbu holat futbolchilar faoliyatiga salbiy ta’sir ko‘rsatishi va jiddiy huquqiy oqibatlarga olib kelishi mumkin.