Karpin: O‘yinlarda natija emas, futbolchilar muhim
Rossiya terma jamoasi bosh murabbiyi Valeriy Karpin Mali va Nikaragua terma jamoalariga qarshi o‘tkaziladigan o‘rtoqlik uchrashuvlari haqida o‘z fikrlarini bildirdi. Bu haqda Zamin.uz xabar berdi.
Bu haqda euro-football.ru sayti xabar bermoqda. Murabbiyning ta’kidlashicha, ushbu uchrashuvlarda asosiy maqsad natija emas, balki futbolchilarning o‘yinini ko‘rib, ularning imkoniyatlarini baholashdir.
Karpin ushbu o‘yinlarga terma jamoaga ishonch bildirilayotgan barcha futbolchilarni jalb qilishni rejalashtirayotganini aytdi. Agar kutilmagan holatlar yuz bermasa, barcha futbolchilar yig‘inga kelishi kutilmoqda.
Rossiya va Nikaragua terma jamoalari o‘rtasidagi bahs 27-mart kuni Krasnodarda bo‘lib o‘tishi rejalashtirilgan. Mali bilan o‘yin esa 31-mart kuni Sankt-Peterburg shahrida o‘tkaziladi.
Ta’kidlash joizki, Rossiya terma jamoasi hozirda FIFA va UEFA qaroriga binoan xalqaro musobaqalardan chetlashtirilgan. Shu sababli, hozirgi o‘rtoqlik uchrashuvlari jamoa uchun o‘z tarkibini sinovdan o‘tkazish va yangi futbolchilarni ko‘rib chiqish imkoniyati sifatida xizmat qilmoqda.
