Matvey Safonov billiardni faqat xobbi sifatida ko‘radi
Fransiyaning “PSJ” klubi darvozaboni Matvey Safonov bo‘sh vaqtida rus billiardini o‘ynashga qiziqishini ma’lum qildi. Bu haqda Zamin.uz xabar berdi.
Bu haqda euro-football.ru sayti xabar berdi. Unga ko‘ra, billiardga bo‘lgan qiziqishi “Krasnodar” klubida o‘ynagan davridan boshlangan.
Jamoa bazasida billiard stoli bo‘lib, futbolchilar mashg‘ulotlardan so‘ng bir-ikki partiya o‘ynashgan. Safonov Telegram kanalida yozishicha, dastlab bu oddiy do‘stlar bilan uy yaqinidagi billiardxonaga borishdan boshlangan.
Keyinchalik bu mashg‘ulot yanada jiddiy tus olgan va u o‘z kiyasini ham sotib olgan. Hatto billiard bo‘yicha individual tarzda shug‘ullanishga ham harakat qilib ko‘rgan.
Shunga qaramay, vaqt o‘tishi bilan Safonov billiardni professional darajaga olib chiqish niyatidan voz kechganini aytdi. U bu faoliyatni shunchaki xobbi sifatida qoldirishni afzal ko‘rgan.
Shu bilan birga, uning aytishicha, billiardni rivojlantirishni ataylab to‘xtatgan, chunki bu mashg‘ulotni faqat dam olish vositasi sifatida ko‘radi.
