Turkiyada ikki futbolchi tikish sabab qamoq jazosida
Turkiyaning "Galatasaray" va "Fenerbahche" futbol klublarining ikki o‘yinchisi tikishlar bilan bog‘liq holatlar sabab qamoq jazosiga tortilishi mumkin. Bu haqda Zamin.uz xabar berdi.
Bu haqda euro-football.ru xabar berdi. Mazkur ishda "Galatasaray" futbolchisi Metehan Baltadji hamda "Fenerbahche" sardori Mert Hakan Yandashning ismlari tilga olinmoqda.
Mahalliy ommaviy axborot vositalarining ma’lumotlariga ko‘ra, Baltadjiga 13 yilgacha, Yandashga esa 17 yilgacha ozodlikdan mahrum qilish jazosi xavfi mavjud. Sabah nashrining xabariga ko‘ra, Metehan Baltadji kamida ikki marta "Galatasaray" o‘yinlariga pul tikkan.
U o‘sha uchrashuvlarda asosiy tarkibda bo‘lmagan, ammo qaydnomaga kiritilganligi sababli o‘yinga ma’lum darajada ta’sir ko‘rsatish imkoniyatiga ega bo‘lgan. Turkiya qonunchiligiga muvofiq, professional futbolchilar bukmekerlik faoliyatida ishtirok etganini ma’lum qilishi shart.
Biroq Baltadji ushbu talabni bajarmagani ta’kidlanmoqda. Ushbu holatlar futbol qoidalarini buzish sifatida baholanib, jiddiy huquqiy oqibatlarga olib kelishi mumkin.
