Mali Rossiyaga qarshi eng kuchli tarkibni tayyorlamoqda
Mali futbol terma jamoasining bosh murabbiyi Tom Sainfyet Rossiyaga qarshi bo‘lib o‘tadigan o‘rtoqlik uchrashuvida eng kuchli tarkibni shakllantirishni rejalashtirmoqda. Bu haqda Zamin.uz xabar berdi.
U mazkur uchrashuvda imkon qadar tajribali va kuchli futbolchilarni jalb etishni xohlayotganini ma’lum qildi. Uchrashuv 31 mart kuni Sankt-Peterburg shahrida o‘tkazilishi belgilangan.
Bu haqda euro-football.ru xabar berdi. Murabbiy ta’kidlashicha, barcha futbolchilar safda bo‘ladimi yoki yo‘q, hozircha noma’lum.
Shunga qaramay, u Afrika Millatlar Kubogida ishtirok etgan tarkibga yaqin jamoani maydonga tushirishni maqsad qilgan. Sainfyet jamoaning asosiy o‘yinchilaridan biri bo‘lgan Ivv Bissuma, shuningdek, El-Bilal Ture, Nene Dorgeles, Kamori Dumbia, Lassine Sinayoko va Natan Gassama kabi futbolchilarni alohida tilga oldi.
Rossiya terma jamoasi esa Valeriy Karpin boshchiligida mazkur o‘yinga tayyorlanmoqda. FIFA reytingida Rossiya jamoasi 36-o‘rinni, Mali esa 54-o‘rinni egallab turibdi.
Qiziq jihati shundaki, bu ikki jamoa avval biror marta o‘zaro uchrashmagan. Mart oyida Rossiya terma jamoasi Mali bilan bir qatorda Nikaragua terma jamoasiga qarshi ham maydonga tushishi rejalashtirilgan.
