«Al-Hilol» murabbiyi iste’fosi muhokama qilinmoqda
Saudiya Arabistoni chempionatida ishtirok etayotgan «Al-Hilol» jamoasi hozirgacha biror marta mag‘lubiyatga uchramagan bo‘lsa-da, so‘nggi durang o‘yinlar seriyasi tufayli musobaqa jadvalida uchinchi o‘ringa tushib qoldi. Bu haqda Zamin.uz xabar berdi.
La Repubblica nashrining xabar berishicha, ushbu holat sababli jamoaning bosh murabbiyi Simone Indzagining iste’fosi haqida muhokamalar boshlangani aytilmoqda. Manbaga ko‘ra, ayrim muxlislar italiyalik mutaxassisga nisbatan norozilik bildirishmoqda.
Bu haqda euro-football.ru saytida ma’lumot berilgan. Shunga qaramay, Simone Indzagi vaziyatga xotirjam munosabat bildirmoqda.
U «Al-Hilol» bilan 2027 yil o‘rtalarigacha shartnoma imzolagan. Agar mazkur shartnoma muddatidan oldin bekor qilinsa, klub tomonidan katta miqdorda kompensatsiya to‘lanishi shart qilib belgilangan.
Ma’lum qilinishicha, Simone Indzagi dunyodagi eng yuqori maosh oladigan murabbiylar ro‘yxatida ikkinchi o‘rinda turadi. U yiliga 26 million yevro miqdorida maosh oladi va bu borada faqat Diego Simeonedan ortda qolmoqda.
