Turkiyada ikki futbolchiga tikish sabab qamoq xavfi

Galatasaray va Fenerbahche klublari futbolchilari tikishlar bilan bog‘liq ish sababli qamoq jazosiga tortilishi mumkin. Bu haqda Zamin.uz xabar berdi.

Bu haqda euro-football.ru xabar bermoqda. Ma’lumotlarga ko‘ra, gap Galatasaray futbolchisi Metehan Baltadji hamda Fenerbahche sardori Mert Hakan Yandash haqida bormoqda.

Metehan Baltadji 13 yilgacha, Mert Hakan Yandash esa 17 yilgacha ozodlikdan mahrum etilishi xavfi ostida. Sabah nashrining yozishicha, Metehan Baltadji kamida ikki marta Galatasaray jamoasi o‘yinlariga pul tikkan.

U o‘yinlarda asosiy tarkibda maydonga tushmagan bo‘lsa-da, jamoa qaydnomasida bo‘lgani sababli natijaga ta’sir ko‘rsatish imkoniyatiga ega bo‘lgan, deb baholangan. Turkiya qonunchiligiga ko‘ra, professional sportchilar bukmekerlik faoliyatida ishtirok etganida, o‘z maqomini ma’lum qilishi shart.

Ammo Baltadji ushbu talabni bajarmagani aniqlangan. Shu sababli unga nisbatan qonuniy choralar ko‘rilishi mumkin.

Mazkur holat futbolchilar va sport tashkilotlari faoliyati ustidan nazoratni kuchaytirish zaruratini yana bir bor ko‘rsatmoqda.