Ronaldu «Al-Feyha»ga qarshi o‘yinni asosiy tarkibda boshlaydi

Shanba oqshomida Saudiya Arabistoni Pro-ligasida «Al-Nasr» jamoasi safarda «Al-Feyha» klubiga qarshi o‘yin o‘tkazadi. Bu haqda Zamin.uz xabar berdi.

Ushbu uchrashuv uchun Ar-Riyod klubining bosh murabbiyi Jorje Jezush asosiy tarkibni e’lon qildi. Bu haqda euro-football.ru xabar berdi.

Uchrashuvni quyidagi futbolchilar boshlaydi: Bento, al-Bushayl, Simakan, Martines, al-Amri, Brozovich, al-Haybari, Koman, Mane, Felish va Ronaldu. Tarkibda portugaliyalik yulduz futbolchi Krishtianu Ronaldu ham bor.

U o‘yinni ilk daqiqalardan boshlaydi va o‘zining navbatdagi maqsadi – 1000 ta golga erishish yo‘lida harakat qiladi. Hozirgi kunga kelib, Ronalduning hisobida 965 ta gol mavjud.

Agar «Al-Nasr» ushbu o‘yinda g‘alaba qozonsa, jamoa Pro-liga turnir jadvalida yana birinchi o‘rinni egallashi mumkin. Ushbu muhim bahsni matnli translyatsiya orqali kuzatib borish imkoniyati mavjud.