Futbolda vaqtni cho‘zishga qarshi yangi qoidalar
2026/2027 futbol mavsumidan boshlab, o‘yin qoidalariga vaqtni ataylab cho‘zishni kamaytirishga qaratilgan yangi tartiblar joriy etiladi. Bu haqda Zamin.uz xabar berdi.
BBC xabariga ko‘ra, agar futbolchilar tomonidan vaqtni ataylab cho‘zish holati aniqlansa, to‘p raqib jamoaga beriladi. Bu haqda euro-football.ru xabar berdi.
Agar darvozabon to‘pni o‘z darvozasidan tepish paytida vaqtni cho‘zayotgan bo‘lsa, qarama-qarshi jamoa burchak to‘pi tepish huquqini qo‘lga kiritadi. Ushbu o‘zgarishlar o‘yin davomida adolatni ta’minlash va o‘yinni yanada dinamik qilishga qaratilgan.
Shuningdek, almashtirish jarayonida yangi tartib joriy etiladi. Futbolchiga maydonni tark etish uchun 10 soniya vaqt beriladi.
Agar u belgilangan muddat ichida maydonni tark etmasa, uning o‘rniga tushadigan futbolchi o‘yinga 60 soniya kech qo‘shiladi. Bu esa jamoaning bir daqiqa davomida bir o‘yinchiga kam bo‘lib qolishiga olib keladi.
Shu bilan birga, yaqin kelajakda futbolga «Vinisius qoidasi» ham kiritilishi mumkinligi haqida avvalroq xabarlar tarqalgan edi. Ushbu o‘zgarishlar futbolning yanada qizg‘in kechishini ta’minlash uchun ishlab chiqilmoqda.
