Holann jarohat oldi, "Siti" minimal hisobda g‘alaba qozondi

"Manchester Siti" futbol klubi Angliya Premer-ligasining shanba kungi o‘yinida "Lids" jamoasini 1:0 hisobida mag‘lub etdi. Bu haqda Zamin.uz xabar berdi.

Biroq ushbu uchrashuvda jamoaning asosiy hujumchisi Erling Holann maydonga tushmadi. Norvegiyalik futbolchi mashg‘ulot davomida jarohat olgani sababli tarkibdan chetda qoldi.

Bu haqda euro-football.ru xabar berdi. O‘yin yakunida jurnalistlar "Manchester Siti" bosh murabbiyi Xosep Gvardioladan Holannning sog‘lig‘i va maydonga qaytish muddati haqida so‘rashdi.

Gvardiola bu borada aniq javob bera olmasligini aytdi. "Uning qachon qaytishini bilmayman.

Albatta, imkon qadar tezroq safga qo‘shilishini istayman. Bizning mashg‘ulot bazamizda ichkaridan ma’lumot yetkazadigan odamlarga ega emasmiz, lekin muammo unchalik jiddiy bo‘lmasa kerak", dedi Gvardiola BBC bilan suhbatda.

Mazkur uchrashuvda "Manchester Siti"ning yagona golini Antuan Semenyo kiritdi. Shu tariqa, jamoa navbatdagi uch ochkoni qo‘lga kiritdi va chempionlik poygasida muhim qadam tashladi.