Ikki turk futbolchisi noqonuniy stavkalarda ayblanmoqda

Turkiyaning «Galatasaray» va «Fenerbahche» futbol klublarida o‘ynaydigan ikki futbolchi qonunbuzarlikda ayblanib, ularga qamoq jazosi tahdid solinmoqda. Bu haqda Zamin.uz xabar berdi.

Bu haqda euro-football.ru xabar berdi. Ma’lum bo‘lishicha, «Galatasaray» futbolchisi Metehan Baltaji va «Fenerbahche» sardori Mert Hakan Yandash noqonuniy stavkalar bilan bog‘liq mojaroda jinoiy javobgarlikka tortilishi mumkin.

Agar ularga qo‘yilgan ayblovlar tasdiqlansa, Baltaji 13 yilgacha, Yandash esa 17 yilgacha ozodlikdan mahrum etilishi ehtimoli bor. Turkiyaning «Sabah» nashri xabariga ko‘ra, Metehan Baltaji kamida ikki marta «Galatasaray» ishtirokidagi o‘yinlarga pul tikkan.

Ushbu o‘yinlarda u asosiy tarkibda maydonga tushmagan bo‘lsa-da, jamoa qaydnomasida bo‘lgani sababli o‘yin natijasiga ta’sir ko‘rsatishi mumkin bo‘lgan holatlar kuzatilgan. Turkiya qonunchiligiga muvofiq, professional sportchilar bukmekerlar bilan ishlaganda o‘z maqomini ochiq aytishi shart.

Ammo Baltaji bu qoidaga amal qilmagani ma’lum qilingan. Shu sababli, futbolchilarga nisbatan qonuniy choralar ko‘rilishi ehtimoli yuqori.