Eron terma jamoasi Jahon chempionatidan chetlatilishi mumkin
Eron terma jamoasi 2026-yilda bo‘lib o‘tadigan futbol bo‘yicha Jahon chempionatida ishtirok etmaslik ehtimolini ko‘rib chiqmoqda. Bu haqda Zamin.uz xabar berdi.
Bu haqda mamlakat futbol federatsiyasi rahbari Mehdi Toj ma’lum qildi. Xabarni *euro-football.ru* sayti tarqatgan.
Mehdi Tojning so‘zlariga ko‘ra, AQSh va Isroil o‘rtasidagi ziddiyatlar keskinlashgani sababli mundialga tayyorgarlik ko‘rish masalasi murakkablashgan. Yakuniy qaror mamlakat sport rahbariyati tomonidan qabul qilinishi kutilmoqda.
Ma’lumotlarga ko‘ra, Eron terma jamoasi guruh bosqichidagi uchrashuvlarni AQShda o‘tkazishi rejalashtirilgan. Bu o‘yinlar Yangi Zelandiya, Belgiya va Misrga qarshi bo‘lishi kerak.
Shuningdek, pley-offning 1/16 finalida Eron va AQSh jamoalari o‘zaro to‘qnashishi ehtimoli ham mavjud. Bu esa FIFA uchun qo‘shimcha tashkiliy qiyinchiliklarni keltirib chiqarishi mumkin.
Bundan tashqari, Eronda milliy futbol chempionati vaqtincha to‘xtatilgani xabar qilinmoqda. Ayrim legioner futbolchilar mamlakatni tark etgan, qolganlari esa chiqib ketish imkoniyatlarini izlamoqda.
Shu vaziyatda, Eronning Jahon chempionatida qatnashishi masalasi hanuz noaniq bo‘lib qolmoqda.
