Futbol qoidalariga vaqt cho‘zishga qarshi o‘zgarishlar kiritiladi
2026/2027 yilgi futbol mavsumidan boshlab, o‘yin qoidalariga vaqt cho‘zishni oldini olishga qaratilgan yangi o‘zgarishlar kiritilishi rejalashtirilmoqda. Bu haqda Zamin.uz xabar berdi.
BBC xabariga ko‘ra, ataylab vaqtni cho‘zish holatlari aniqlansa, to‘p raqib jamoaga topshiriladi. Bu haqda euro-football.ru ma’lumot bergan.
Agar vaqt cho‘zish darvozabon tomonidan darvoza zarbasini amalga oshirish jarayonida sodir etilsa, raqib jamoaga burchak to‘pi tepish huquqi beriladi. Shu bilan birga, almashtirish paytida maydondan chiqayotgan futbolchiga 10 soniya vaqt ajratiladi.
Agar u belgilangan vaqtda maydonni tark etmasa, yangi futbolchi o‘yinga 60 soniya kechikib qo‘shiladi. Natijada, jamoa bir daqiqa davomida bir futbolchi kam bo‘lib o‘ynashga majbur bo‘ladi.
Bundan tashqari, yaqinda “Vinisius qoidasi” joriy etilishi mumkinligi haqida ham xabarlar tarqalgan edi. Ushbu o‘zgarishlar futbol o‘yinlarini yanada dinamik va adolatli qilishga xizmat qilishi kutilmoqda.
