Turkiyada ikki futbolchi tikish sabab qamalishi mumkin

Turkiyada Galatasaray va Fenerbahche jamoalarida o‘ynayotgan ikki futbolchi tikish bilan bog‘liq qonunbuzarliklar sababli qamoq jazosiga hukm qilinishi mumkin. Bu haqda Zamin.uz xabar berdi.

Bu haqda euro-football.ru ma’lum qilmoqda. Gap Galatasaray jamoasi futbolchisi Metehan Baltadji va Fenerbahche sardori Mert Hakan Yandash haqida ketmoqda.

Xabarlarga ko‘ra, Baltadjiga 13 yilgacha, Yandashga esa 17 yilgacha ozodlikdan mahrum etish jazosi qo‘llanilishi ehtimoli bor. Sabah nashri yozishicha, Metehan Baltadji kamida ikki marta Galatasarayning o‘yinlariga tikish qilgan.

Ushbu o‘yinlarda u asosiy tarkibda maydonga tushmagan bo‘lsa-da, jamoa qaydnomasida bo‘lgan. Bu esa uning o‘yin natijasiga bilvosita ta’sir ko‘rsatgan bo‘lishi mumkinligini ko‘rsatadi.

Turkiya qonunchiligiga ko‘ra, professional sportchilar bukmekerlik tashkilotlariga o‘z maqomini ochiq aytib o‘tishi shart. Ammo Baltadji bu talabni bajarmagan.

Ushbu holat futbolchining qonunbuzarlikda ayblanishiga sabab bo‘lmoqda. Shu bilan birga, Yandashning ishi bo‘yicha ham tafsilotlar o‘rganilmoqda.

Mazkur holat Turkiyada sport va tikish o‘rtasidagi munosabatlarni yana bir bor muhokama markaziga olib chiqdi.