Turkiyada ikki futbolchi noqonuniy pul tikishda gumon qilinmoqda

Turkiyaning ikki mashhur futbol klubi — Galatasaray va Fenerbahche futbolchilari noqonuniy pul tikish bilan bog‘liq ish bo‘yicha jiddiy muammolarga duch kelishlari mumkin. Bu haqda Zamin.uz xabar berdi.

Bu haqda "Euro-football.ru" xabar berdi. Ma’lum bo‘lishicha, Galatasaray klubi vakili Metehan Baltajchi va Fenerbahche jamoasi sardori Mert Hakan Yandash noqonuniy stavkalar bilan shug‘ullanganlikda gumon qilinmoqda.

Mahalliy qonunchilikka ko‘ra, Baltajchi 13 yilgacha, Yandash esa 17 yilgacha ozodlikdan mahrum etilishi xavfi ostida. "Sabah" nashri ma’lumotiga ko‘ra, Baltajchi kamida ikki marta Galatasaray o‘yinlariga pul tikkan.

Garchi u o‘sha o‘yinlarda asosiy tarkibdan joy olmagan bo‘lsa-da, jamoa qaydnomasiga kiritilgan. Ushbu holat futbolchining o‘yinning natijasiga ta’sir ko‘rsatish ehtimolini oshirishi mumkin.

Turkiyada amaldagi qonunlarga muvofiq, professional sportchilar bukmekerlarga o‘z maqomlarini oldindan ma’lum qilishlari shart. Biroq Baltajchi bu talabni bajarmagani sababli qonunbuzarlikda ayblanmoqda.

Ayni paytda mazkur ish yuzasidan tergov ishlari olib borilmoqda.