Rossiya ayollar jamoasi Pink Ladies Cupda ishtirok etmoqda

Birlashgan Arab Amirliklarida (BAA) xalqaro musobaqada ishtirok etayotgan Rossiya ayollar futbol terma jamoasi o‘z dastlabki rejalari doirasida harakat qilishda davom etmoqda. Bu haqda Zamin.uz xabar berdi.

Yaqin Sharqdagi murakkab siyosiy vaziyatga qaramay, jamoaning rejalarida hech qanday o‘zgarish kuzatilmagan. Bu haqda euro-football.ru sayti xabar berdi.

Rossiya Futbol Ittifoqi (RFS) ma’lumotiga ko‘ra, jamoa Pink Ladies Cup musobaqasi doirasidagi qolgan ikki uchrashuv uchun odatdagi tartibda tayyorgarlik ko‘rmoqda. RFS matbuot xizmati "Match TV"ga bergan izohida mashg‘ulotlar jadvalga muvofiq davom etayotgani, bugun tayyorgarlik ishlari, ertaga esa o‘yinoldi mashg‘ulotlari rejalashtirilgani haqida ma’lum qildi.

Shuningdek, 3 mart kuni navbatdagi uchrashuv bo‘lib o‘tishi va hozircha taqvimga hech qanday o‘zgarish kiritilmagani qayd etildi. Ma’lumot uchun, Rossiya ayollar terma jamoasi turnirdagi birinchi o‘yinda Tanzaniya jamoasini 4:1 hisobida mag‘lub etdi.

Keyingi uchrashuvni 3 mart kuni Gana, 6 mart kuni esa Gonkong terma jamoasiga qarshi o‘tkazishi rejalashtirilgan.