"Liverpul" burchakdan uch gol urib tarix yaratdi
Angliya chempionatining 28-tur uchrashuvida "Liverpul" jamoasi "Vest Xem" ustidan yirik hisobda g‘alaba qozondi. Bu haqda Zamin.uz xabar berdi.
Uchrashuvda mersisaydliklar 5:2 hisobida g‘alaba qozonishdi. Jamoa birinchi bo‘limdayoq ustunlikni qo‘lga kiritib, tanaffusga qadar javobsiz uchta gol urishga muvaffaq bo‘ldi.
Bu haqda euro-football.ru xabar bermoqda. Diqqatga sazovor jihati shundaki, birinchi taymdagi barcha uchta gol burchak zarbalaridan so‘ng raqib darvozasiga yo‘l topdi.
Bu natija "Liverpul"ni Angliya Premer-ligasi tarixida birinchi bo‘limning o‘zida burchaklardan uch marta gol urishga erishgan ikkinchi jamoaga aylantirdi. Bungacha bunday natija faqat "Manchester Yunayted" tomonidan 2016 yilda "Lester"ga qarshi o‘yinda qayd etilgan edi.
Qizig‘i shundaki, o‘sha paytda "Lester" ham amaldagi chempion sifatida maydonga tushgan edi.
