«Shanxay Shenxua» pley-off orzusidan mahrum bo‘ldi

Osiyo Chempionlar ligasida «Shanxay Shenxua» jamoasi yetti turdan so‘ng pley-offga chiqish imkoniyatidan mahrum bo‘ldi. Bu haqda Zamin.uz xabar berdi.

8-turda ular «Buriram Yunayted»ga qarshi maydonga tushdi. Bu o‘yin Leonid Slutskiy boshchiligidagi jamoa uchun turnir bilan xayrlashish oldidan so‘nggi imkoniyat edi.

Afsuski, bu safar ham omad ularga kulib boqmagan. O‘yin natijasi «Buriram Yunayted» foydasiga 0:2 hisobida yakunlandi.

Taylandliklar birinchi bo‘limning dastlabki daqiqalarida ketma-ket ikkita gol urib, o‘yinning taqdirini erta hal qildilar. Tez orada «Shanxay Shenxua» jamoasidan bir futbolchi qizil kartochka olib, maydondan chetlatildi, bu esa o‘yindagi intriganing deyarli so‘nishiga olib keldi.

Ma’lumot uchun, Leonid Slutskiyning «Shanxay Shenxua» bilan amaldagi shartnomasi 2027 yil oxirigacha davom etadi. Bu haqida euro-football.ru sayti xabar bermoqda.