FIFA prezidenti futbolchilarga qattiqroq chora ko'rishni taklif qildi
FIFA prezidenti Janni Infantino o‘yin davomida bahsli vaziyatlarda raqibiga gapirayotib og‘zini berkitadigan futbolchilarga nisbatan qattiqroq chora ko‘rish kerakligini ta'kidladi. Bu haqda Zamin.uz xabar berdi.
Bu haqda euro-football.ru xabar bermoqda. Chempionlar ligasidagi so‘nggi o‘yinda «Benfika» jamoasining futbolchisi Janluka Prestianngi «Real» klubi o‘yinchisi Viniusius Juniorga murojaat qilayotganda og‘zini futbolkasi bilan yopgan edi.
Shundan keyin braziliyalik futbolchi hakamga raqib tomonidan irqchilikka oid haqoratlar bo‘lganini aytib shikoyat qildi. Infantino bu kabi holatlarda futbolchiga qizil kartochka berilishi kerakligini aytib o‘tdi.
Uning fikricha, agar futbolchi og‘zini berkitib nimadir desa va keyinchalik irqchilikda ayblansa, bu vaziyatning o‘zi jazoga tortilishi lozim. U buni "oddiy mantiq" deb atadi: agar haqoratli gap bo‘lmasa, nega og‘izni yopish kerak?
Ikki o‘yin natijasiga ko‘ra, «Real» jamoasi «Benfika»ni 3:1 hisobida mag‘lub etib, keyingi bosqichga yo‘l oldi.
