Levandovski "Barselona"dagi kelajagi uchun uch oy muhlat berdi

Robert Levandovski "Barselona"dagi kelajagi haqida so'nggi mish-mishlarga oydinlik kiritdi. Bu haqda Zamin.uz xabar berdi.

37 yoshli hujumchining kataloniyaliklar bilan amaldagi shartnomasi tugash arafasida bo'lib, bu holat futbol olamida qizg'in muhokama qilinmoqda. Xansi Flik boshchiligida o'yin amaliyoti kamaygan tajribali futbolchi kelajakdagi qadamlarini shoshilmasdan belgilashga qaror qilgan.

Bu haqda goal.com xabar bermoqda. "Sky Sports" nashriga bergan intervyusida Levandovski hech qanday bosim sezmayotganini aytib o'tdi.

Uning so'zlariga ko'ra, yosh o'tgani sari qaror qabul qilish jarayoni o'zgaradi. Hujumchi kelajagi haqida yakuniy qarorga kelish uchun o'ziga uch oylik muhlat berganini ma'lum qildi.

Levandovski Ispaniyadagi faoliyatidan mamnun bo'lsa-da, matbuotda uning MLS ligasiga o'tishi mumkinligi haqida xabarlar ko'paymoqda. Xususan, "Chikago Fayer" klubi polshalik to'purarni erkin agent sifatida o'z safiga qo'shib olishga yaqin turibdi.

Levandovski o'tmishdagi transferlariga to'xtalar ekan, "Borussiya Dortmund"da o'ynagan davrida "Manchester Yunayted"ga o'tish imkoniyati bo'lganini, biroq klub uni qo'yib yubormaganini esladi. Joriy mavsumda Levandovski La Ligada atigi 10 ta o'yinda asosiy tarkibda maydonga tushdi.

Xansi Flik hujum chizig'ida Ferran Torresga ko'proq ishonch bildirmoqda. Shunga qaramay, futbolchi "Barselona"ning mavsum yakunida chempionlik va Yevropa kubogi uchun kurashida o'z hissasini qo'shishga tayyorligini bildirdi.

Uning jamoa bilan xayrlashuvi sovrinlar bilan yakunlanishi ham ehtimoldan xoli emas.