Flikning Barselonadagi kelajagi Laporta sayloviga bog'liq

"Barselona" futbol klubi bosh murabbiyi Xans-Diter Flikning kelajagi haqida kutilmagan yangiliklar paydo bo'ldi. Bu haqda Zamin.uz xabar berdi.

Jurnalist Florian Plettenbergning xabariga ko'ra, agar klub prezidenti Joan Laporta lavozimini tark etsa, Flik ham jamoani tark etishi mumkin. Murabbiy hozirgi rahbariyat bilan ishlashdan mamnun va kelgusidagi rejalarni aynan Laporta bilan birga amalga oshirishni xohlaydi.

Flik Barselona shahri, klub muhiti va muxlislarga juda bog'lanib qolgan. U shartnomasini uzaytirishni istaydi, ammo bu qaror 15 mart kuni bo'lib o'tadigan prezidentlik saylovlari natijalariga bog'liq.

Agar Laporta qayta saylanmasa, Flik yozda yoki 2027 yilda shartnomasi tugagach, jamoani tark etish imkoniyatini ko'rib chiqishi mumkin. Hozirda Xans-Diter Flik boshchiligidagi "Barselona" ajoyib sport formasida.

Ispaniya chempionatining 26-turidan so'ng, kataloniyaliklar 64 ochko bilan turnir jadvalida birinchi o'rinda bormoqda. Jamoaning muvaffaqiyatli o'yinlari fonida yuzaga kelgan bu vaziyat muxlislarni xavotirga solishi tabiiy.

Manba: One.uz.