Arteta "Arsenal"dagi yutuqlardan so‘ng ketishi mumkin

Londonning "Arsenal" futbol klubi bosh murabbiyi Mikel Arteta jamoa bilan katta yutuqlarga erishgan taqdirda, boshqa jamoada faoliyatini davom ettirishi mumkin. Bu haqda Zamin.uz xabar berdi.

Hozirgi xabarlarga ko‘ra, agar ispaniyalik mutaxassis bu mavsumda Angliya Premer ligasi va Yevropa Chempionlar ligasida g‘olib bo‘lsa, klub bilan xayrlashishi ehtimoli yuqori. Arteta uchun bu ikki muhim sovrinni qo‘lga kiritish "Arsenal"dagi loyihasining mantiqiy yakuni hisoblanadi.

Murabbiy o‘z oldiga qo‘ygan asosiy maqsadlariga erishgach, yangi chaqiruvlarni qabul qilishni xohlamoqda. Uning klubdagi faoliyati davomida ko‘rsatgan natijalari futbol olamida yuqori baholanmoqda.

Ushbu vaziyatni Madridning "Real" klubi rahbariyati ham diqqat bilan kuzatib bormoqda. "Qirollik klubi" kelajak uchun turli variantlarni ko‘rib chiqmoqda va Mikel Artetani jamoaning bo‘lajak bosh murabbiyi sifatida ko‘rmoqda.

Agar ispaniyalik mutaxassis "Arsenal"dan ketishga qaror qilsa, "Real Madrid" uni o‘z safiga jalb qilish uchun harakat boshlashi kutilmoqda. Bu ma’lumotlar One.uz manbasidan olingan.