"Manchester Siti" Nyukaslni mag‘lub etib, chorak finalda
Angliya kubogi 1/8 finalida "Manchester Siti" jamoasi safarda "Nyukasl"ga qarshi o‘ynab, 3:1 hisobida g‘alaba qozondi. Bu haqda Zamin.uz xabar berdi.
O‘yinning boshida mezbonlar faol harakat qilgan bo‘lsa-da, 18-daqiqada Barns hisobni ochib, "Sent-Jeyms Park" stadionini hayajonga soldi. Biroq bu gol "shaharliklar"ni to‘xtata olmadi.
"Manchester Siti" keyingi daqiqalarda o‘yinni o‘z foydasiga burdi. Birinchi bo‘limning oxiriga kelib, 39-daqiqada Savinio hisobni tenglashtirdi — 1:1.
Tanaffusdan so‘ng "Siti" hujumlarni kuchaytirdi: 47-daqiqada Marmush gol urib, jamoasini oldinga olib chiqdi. O‘yin taqdiri deyarli hal bo‘lganda, 65-daqiqada Marmush yana bir gol kiritib, dubl qayd etdi va hisobni 1:3 ko‘rinishiga keltirdi.
Uchrashuvda O‘zbekiston milliy jamoasi himoyachisi Abduqodir Husanov asosiy tarkibda to‘liq 90 daqiqa o‘ynadi. U yuqori bosimli safar o‘yinida jamoasining chorakfinalga chiqishida katta hissa qo‘shdi.
Himoyachi uchun bunday bahslarda to‘liq o‘ynash ishonch va murabbiylar shtabi tomonidan berilgan katta bahodir. Shu tariqa, "Manchester Siti" Angliya kubogida chorakfinalga yo‘l oldi.
"Nyukasl" esa birinchi goldan keyin ustunlikni saqlab qola olmadi va o‘yin ritmini mehmonlarga topshirdi. Angliya kubogi.
1/8 final Nyukasl — Manchester Siti 1:3 Gollar: Barns 18 – Savinio 39, Marmush 47, 65.
