Real Madrid mavsumdan keyin tarkibni qayta shakllantirmoqda
Ispaniyaning "Real Madrid" klubi mavsum yakunlanganidan keyin asosiy tarkibida jiddiy o‘zgarishlar qilishni rejalashtirmoqda. Bu haqda Zamin.uz xabar berdi.
Klub rahbariyati bir qancha futbolchilar bilan xayrlashish variantlarini ko‘rib chiqmoqda. Ma’lumotlarga ko‘ra, shartnomasi 30 iyunda tugaydigan avstriyalik himoyachi David Alaba bilan hamkorlikni davom ettirmaslikka qaror qilingan.
Bu qaror jamoaning kelajakdagi strategiyasi doirasida qabul qilingan. Yana bir himoyachi Raul Asensio ham ketishi mumkin bo‘lgan futbolchilar sirasiga kiritilmoqda.
Yarim himoyachi Daniel Sebalos "Real"ni tark etib, "Betis" jamoasiga qaytishni xohlayotgani haqida ma’lumotlar mavjud. Uning kelajagi yozgi transfer oynasida aniq bo‘ladi.
Hujumchilar qatorida ham o‘zgarishlar kutilmoqda, Gonsalo Garsiya jamoani tark etadigan futbol" hujum chizig‘ini kuchaytirish maqsadida "Lion" jamoasida ijarada o‘ynayotgan Endrikni qaytarish variantini ma’qullagan. Ayni paytda tajribali himoyachilar Daniel Karvaxal va Antonio Ryudigerning kelajagi noaniq bo‘lib qolmoqda.
Ularning shartnomalari kelasi yozda yakunlansa-da, hali yakuniy qaror qabul qilinmagan. Qisqasi, "Real Madrid"da katta o‘zgarishlar jarayoni boshlanmoqda.
Klub yangi mavsumga ancha yangilangan va kuchli tarkib bilan chiqishni maqsad qilgan. Manba: The Athletic.
