O‘zbekiston yosh yulduzlari Bragaga ijara bilan o‘tmoqda

O‘zbekiston yoshlar terma jamoasining ikki vakili — Sadriddin Xasanov va Sayfiddin Sodiqov — Portugaliyaning “Braga” klubiga bir yillik ijara asosiga o‘tish imkoniyati paydo bo‘lgani haqida xabarlar tarqaldi. Bu haqda Zamin.uz xabar berdi.

Iste’dodli o‘g‘lonlarni “Bunyodkor” va Odil Ahmedov nomidagi futbol akademiyalari tarbiyalamoqda. Hozirda ular “Andijon” klubida ijara shartnomasi bilan harakat qilmoqdalar, biroq bu shartnoma muddatidan avval tugatilishi mumkin.

Portugaliya klubi 2026-yil yozda, futbolchilar 18 yoshga to‘lganidan so‘ng, ularni to‘liq huquq bilan o‘z safiga qo‘shmoqchi. Bu yosh iqtidorlar uchun Yevropa futboliga ilk qadam bo‘lib xizmat qilishi aniq.

“Braga” skautlari ularni Qatarda o‘tkazilgan U-17 Jahon chempionatida kuzatib chiqqan va keyin klubga taklif qilgan. Xasanov va Sodiqov Braganing U-23 jamoasi bilan ikki hafta mashg‘ulot o‘tkazib, murabbiylar e’tirofini qozonganlar.

Shartnomada sotib olish huquqi ham belgilangan. Xasanov uchun narx 250 ming yevro, Sodiqov uchun esa 300 ming yevro deb aniqlangan.

Agar transfer amalga oshsa, har ikki futbolchi bilan besh yillik kontrakt imzolanadi. Bundan tashqari, “Bunyodkor” va akademiya ham kelajakdagi transferdan ma’lum foiz ulush oladi.

Bu esa mahalliy akademiyalar uchun qo‘shimcha rag‘bat bo‘lib, yosh iste’dodlarni tarbiyalashga kuch qo‘shadi. Agar barcha shartlar bajarilsa, bu transferlar o‘zbekistonlik yosh futbolchilarning Yevropa maydonlarida o‘zini sinashiga zamin yaratadi.

Bu esa mamlakatimiz futboliga yangi imkoniyatlar eshigini ochadi. One.uz