O'zbekiston terma jamoasi «Turk kubogida» ishtirok etishi mumkin
O‘zbekiston milliy terma jamoasi yangi xalqaro musobaqada ishtirok etishi mumkin. Bu haqda One.uz xabar beradi.
Bu imkoniyat Turkiyaning nufuzli TRT Haber nashri tomonidan e’lon etilgan «Turk kubogi» futbol turniri asosida paydo bo‘ladi. Turnir Turkiya hukmron AK Parti partiyasi o‘rinbosari Kyurshad Zorlu tomonidan tasdiqlangan tashabbus natijasida tashkil etilmoqda.
Uning so‘zlariga ko‘ra, Turkiya futbol federatsiyasi va mamlakat yoshlar va sport vazirligi hamkorlikda yangi musobaqa konsepsiyasi ustida amaliy ishlar boshlandi. Musobaqa formati va maqsadlari «Turk kubogi» musobaqasi har ikki yilda bir marta o‘tkazilishi rejalashtirilmoqda.
Asosiy maqsadi Turkiy davlatlar o‘rtasidagi sport aloqalarini mustahkamlash, milliy jamoalarga qo‘shimcha xalqaro o‘yin amaliyoti taqdim etish va mintaqaviy futbol darajasini yuqori bosqichga ko‘tarishdir. Tashkilotchilar Turkiya futbol federatsiyasi va Turkiya yoshlar va sport vazirligi boshliqida bo‘ladi.
Ishtirok etadigan davlatlar Turnirga Turkiy davlatlar tashkilotiga (TDT) a’zo hamda kuzatuvchi maqomiga ega mamlakatlarning asosiy milliy terma jamoalari jalb etiladi. To‘la huquqli a’zo mamlakatlar: O‘zbekiston, Turkiya, Ozarbayjon, Qozog‘iston va Qirg‘iziston.
Kuzatuvchi maqomidagi mamlakatlar: Vengriya, Turkmaniston hamda Shimoliy Kipr. O‘zbekiston va Turkiya kabi kuchli jamoalar, shuningdek, Yevropaning nomdor vakili bo‘lgan Vengriya termasining qatnashishi turnirning sport darajasi va nufuzini sezilarli ravishda oshirishi kutilmoqda.
Manba: One.uz
