WBA Bektemir Meliqo'ziyevning chempionlik jangi borasida kutilmagan qaror chiqardi
Ikkinchi o‘rta vazn toifasida Jahon boks assotsiatsiyasi (WBA) atrofida kutilmagan va bahsli vaziyat yuzaga keldi. Bu haqda One.uz xabar beradi.
Tashkilot avvalroq o‘zbekistonlik charm qo‘lqop ustasi Bektemir Meliqo‘ziyev ushbu vazn toifasida rasmiy majburiy da’vogar ekanini, shu sababli chempion Xayme Mungiyaning boshqa raqib bilan jang o‘tkazishini tasdiqlamasligini ma’lum qilgan edi. Biroq, barcha e’tirozlarga qaramay, assotsiatsiyaning rasmiy manbalarida Mungiyaning rossiyalik Nikita Zonga qarshi kamar himoyasi jangi o‘tkazilishi haqida e’lon berildi.
Muxlislar va soha mutaxassislari orasida ko‘plab savollarni keltirib chiqarayotgan mazkur qaror yuzasidan tashkilot hozircha qo‘shimcha izoh berganicha yo‘q. Ar-Riyoddagi boks oqshomi tafsilotlari E’lon qilingan rasmiy ma’lumotlarga ko‘ra, WBA jahon chempionlik kamari uchun kechadigan bahs 2026-yil 31-oktyabr kuni Saudiya Arabistonining Ar-Riyod shahrida bo‘lib o‘tadi.
Mazkur to‘qnashuv ikkinchi o‘rta vazn toifasida tashkil etilib, unda jahon chempionlik unvoni o‘rtaga qo‘yiladi. Boks kechasi xalqaro DAZN striming platformasi orqali butun dunyoga jonli ravishda namoyish etilishi rejalashtirilgan.
Tashkilot taqdim etgan statistik ma’lumotlar har ikki sportchining imkoniyatlarini qiyoslash imkonini beradi. Meksikalik amaldagi chempion Xayme Mungiya faoliyati davomida 45 ta g‘alaba va 2 ta mag‘lubiyat qayd etgan bo‘lib, uning hisobida 35 ta nokaut mavjud.
Uning raqibi Nikita Zon esa hozircha mag‘lubiyat nimaligini bilmay kelmoqda. Rossiyalik bokschi 11 ta g‘alaba va 1 ta durangga ega bo‘lib, janglarining 75 foizini muddatidan oldin yakunlagan.
Shuningdek, Zon bo‘y borasida chempiondan biroz ustunlikka ega. Bektemir Meliqo‘ziyevning da’vogarlik huquqi WBA chempionlik bahsini ma’qullagan bo‘lsa-da, o‘zbekistonlik bokschi Bektemir Meliqo‘ziyevning qonuniy huquqi borasidagi noaniqlik saqlanib qolmoqda.
Meliqo‘ziyev ayni paytda ushbu vazn toifasida rasmiy birinchi raqamli da’vogar hisoblanadi va qoidalarga ko‘ra, aynan u Mungiya bilan chempionlik bahsida to‘qnash kelishi lozim edi. Tashkilot rahbariyati avvalroq Meliqo‘ziyevning majburiy da’vogarlik huquqi ustuvor ekanini ta’kidlagan edi.
Agar Mungiya va Zon o‘rtasidagi jang rasman amalga oshsa, g‘olib bokschi keyingi bosqichda o‘z kamarini Bektemir Meliqo‘ziyevdan himoya qilishga majbur bo‘ladi. Aks holda, tashkilot chempionlik maqomini qaytarib olishi mumkin.
Hozirda O‘zbekiston boks jamoatchiligi va sportchining vakillari Jahon boks assotsiatsiyasi tomonidan qabul qilinadigan yakuniy qarorni kutmoqda. Manba: One.uz
