yoshli Bodxana Sivanandan ayollar o‘rtasidagi eng yosh xalqaro master bo‘ldi
Buyuk Britaniyalik 11 yoshli shaxmatchi Bodxana Sivanandan ayollar o‘rtasidagi eng yosh xalqaro master bo‘lish uchun zarur barcha talablarni bajardi. Bu haqda One.uz xabar beradi.
U 1988 yildan beri saqlangan Yudit Polgar rekordini yangilab, bu unvoni 11 yosh, 7 oy va 16 kunlik yoshligida qo‘lga kiritdi. Bu haqda «The Guardian» xabar berdi.
Bodxana Chernogoriyaning Budva shahrida o‘tkazilgan Yevropa klublar kubogining so‘nggi turida shvetsiyalik Viktoriya Yoxanssonni mag‘lub etdi. U yetti o‘yin imkoniyatidan 5,5 ochko to‘plab, xalqaro masterlik uchun kerak bo‘lgan uchinchi va yakuniy normani amalga oshirdi.
Shuningdek, shaxmatchining reytingi talab qilingan 2400 ball chegarasidan yuqoriga chiqdi. Ushbu natija bilan Bodxana xalqaro masterlik talablarini eng yosh yoshlarda bajargan shaxmatchilar umumiy ro‘yxatida yettinchi o‘rinni egalladi.
Taqqoslash uchun, O‘zbekistonlik Javohir Sindarov 2017 yilda 11 yosh, 6 oy va 16 kunlik yoshligida shu natijaga erishib, ro‘yxatda oltinchi o‘rinda turibdi. Manba: The Guardian.
