«Barselona» va «Real Madrid» «El-Klasiko»da uchrashadi
Bugun 25-oktyabr oqshomida jahon futbolining eng katta sahnasiga parda ochiladi. Bu haqda One.uz xabar beradi.
Ispaniya La Ligasining 10-turi doirasida azaliy raqiblar «Barselona» va «Real Madrid» «Spotify Kamp Nou» stadionida uchrashadi. Bu prinsipial to‘qnashuv nafaqat millionlab muxlislarning diqqatini tortadi, balki joriy sezondagi chempionlik poygasining keyingi rivojiga ham kuchli ta’sir ko‘rsatadi.
O‘yin vaqti va translyatsiya O‘zbekistonlik futbol ixlosmandlari uchun bellashuv Toshkent vaqti bilan 26-oktyabrgacha o‘tgan kechasi soat 01:00 da boshlanadi. Yilning eng muhim «El-Klasiko» to‘qnashuvini «Zo‘r TV» telekanali orqali to‘g‘ridan to‘g‘ri efirda tomosha qilish mumkin.
Jadval holati va poygoning ahamiyati Turnir jadvalidagi holat ikki jamoa uchun ham uchrashuv ahamiyatini keskin oshirib yubordi. «Barselona» dastlabki 9 turda barcha uchrashuvlarda g‘alaba qozonib, maksimal 27 ochko jamlagan holda 1-o‘rinda yakka peshqadamlik qiladi.
«Real Madrid» hisobida 21 ochko bor va klub 3-o‘rinda joylashgan. Ushbu bahsdagi g‘alaba «Barselona» uchun oradagi farqni 9 ochkoga yetkazish, «Real» uchun esa peshqadam bilan farqni qisqartirib, chempionlik kurashiga qayta jon kiritish imkoniyatini beradi.
Manba: One.uz
