Osiyo chempionati 2027 yakuniy taqvimi tasdiqlandi
Osiyo futbol konfederatsiyasi va Saudiya Arabistonidagi mahalliy tashkiliy qo‘mita 2027 yil boshida bo‘lib o‘tadigan qit’a birinchiligi yakuniy taqvimini rasmiy ravishda tasdiqladi. Bu haqda One.uz xabar beradi.
Turnir 7 yanvardan 5 fevraligacha davom etadi va unda 24 ta milliy jamoa ishtirok etadi. «B» guruhidan ishtirok etayotgan O‘zbekiston milliy jamoasi pley-off bosqichiga chiqish uchun Iordaniya, Shimoliy Koreya va Bahrayn terma jamoalariga qarshi o‘ynaydi.
Guruh bosqichi o‘yinlari Saudiya Arabistonining Jidda va Ar-Riyod shahrlari stadionlarida bo‘lib o‘tadi. O‘zbekiston jamoasining guruhdagi yo‘li va raqiblar Milliy jamoamiz turnirdagi yurishini 8 yanvar kuni Jiddadagi King Abdullah Sports City stadionida Iordaniyaga qarshi boshlaydi.
Ikkinchi turda 13 yanvar kuni futbolchilarimiz poytaxt Ar-Riyodga safar qilib, Kingdom Arena stadionida Shimoliy Koreya (KXDR) bilan kuch o‘lchashadi. Guruh bosqichining yakuniy uchrashuvi 17 yanvar kuni yana Jidda shahridagi Prince Abdullah Al Faisal stadionida Bahrayn terma jamoasiga qarshi o‘tkaziladi.
Barcha uchrashuvlarning boshlanish vaqti Toshkent vaqti bilan ko‘rsatilgan. Taqvimning aniq belgilanishi O‘zbekiston milliy jamoasiga qoldiq vaqtda tayyorgarlik va mashg‘ulot rejalarini samarali tuzish imkonini beradi.
Manba: One.uz.
