Olmoniyaning Gissen universitetida muhim ilmiy kashfiyot amalga oshirildi. Bu haqida Zamin.uz xabar berdi.
Organik kimyo sohasida faoliyat yurituvchi professor Peter Shrayner boshchiligidagi jamoa azotning olti atomidan tashkil topgan yangi modda — geksaazotni (N6) sintez qildi. Ushbu modda yuqori energiya sig‘imiga ega bo‘lib, hozirgacha mavjud bo‘lgan yonilg‘ilardan energiya jihatdan ustunligi bilan ajralib turadi.
Ilmiy tadqiqotlar shuni ko‘rsatadiki, geksaazot kelajakda ekologik toza va samarali raketa yonilg‘isi sifatida keng qo‘llanilishi mumkin. Professor Shraynerning ta’kidlashicha, bu kashfiyot faqat falakshunoslik va raketa sanoatida emas, mudofaa sohasida ham katta ahamiyatga ega bo‘lishi mumkin.
Shu bilan birga, moddaning amaliy qo‘llanilishini ta’minlash uchun qo‘shimcha moliyalashtirish va keng qamrovli tadqiqotlar zarur. Agar moliyaviy yordam o‘z vaqtida berilsa, kelasi 3-5 yil ichida geksaazot asosida birinchi raketa parvozini amalga oshirish mumkin.
Mazkur kashfiyot nafaqat ilm-fan va texnologiya sohasida yangi imkoniyatlar yaratadi, balki insoniyatning ekologik barqaror kelajakka yo‘l ochishida muhim qadam hisoblanadi. Geksaazot kelajakda global energiya strategiyalarida ham muhim rol o‘ynashi ehtimoldan xoli emas.
Ushbu yangilik ilmiy hamjamiyatda uzoq yillar davomida muhokama qilinishi kutilmoqda va ehtimol insoniyatni yangi inqilobiy bosqichga olib chiqadi. Vaqt bilan bularning barchasi aniq bo‘ladi.
