Islandiyada sun’iy intellekt boshqaruvi joriy etildi

Tinch okeanida "Islandiya-9" nomli mustaqil orol davlati tashkil etildi. Bu haqida Zamin.uz xabar berdi.

Ushbu davlatning asosiy o‘ziga xosligi shundaki, unda an’anaviy hukumat yo‘q va barcha davlat boshqaruvi sun’iy intellekt orqali amalga oshiriladi. Loyiha xalqaro olimlar va tadbirkorlar jamoasi rahbari doktor Amal Chang boshchiligida ishlab chiqilgan.

Aholisi besh ming kishidan iborat bo‘lgan orolda barcha muhim qarorlar AEGIS deb nomlangan intellektual tizim tomonidan qabul qilinadi. Ushbu tizim real vaqt rejimida iqtisodiy va ekologik ma’lumotlarni tahlil qiladi hamda aholi o‘rtasida raqamli so‘rovlar o‘tkazib, shunga muvofiq qarorlar qabul qiladi.

Masalan, tizim tibbiyot va ta’lim sohalarida resurslarni taqsimlash, iqtisodiy qarorlarning samaradorligini baholash hamda ekologik xavflarni oldindan aniqlash kabi vazifalarni bajaradi. Doktor Amal Changning ta’kidlashicha, AEGIS inson huquqlari hamda aholining madaniy va axloqiy me’yorlarini hisobga oladi.

Ushbu model siyosiy beqarorlik va global muammolarni kamaytirishga yordam beradi. Mutaxassislar ushbu tizimni boshqa shahar va mintaqalarga joriy etish imkoniyatlarini o‘rganmoqda.

Biroq inson huquqlari va texnologiya o‘rtasidagi muvozanatni saqlash muhim hisoblanadi. Loyiha BMT va Yevropa Ittifoqi kabi xalqaro tashkilotlarning e’tiborini tortgan bo‘lib, yaqin ikki yil ichida AEGIS tizimining samaradorligi baholanadi va keyinchalik uni global miqyosda qo‘llash rejalashtirilmoqda.

Manba: Peopletalk.