1 sentabrdan boshlab MAX messenjeri elektron qurilmalarga oldindan o‘rnatilishi majburiy bo‘lgan dasturlar ro‘yxatiga kiritiladi. Bu haqida Zamin.uz xabar berdi.
Bu haqda bosh vazir Mixail Mishustin qaror qabul qildi, deb xabar berildi. Yangi qoidalarga muvofiq, MAX messenjeri 2023 yilda majburiy dasturlar orasida bo‘lgan VK Messenger o‘rnini egallaydi.
Shuningdek, 1 sentabrdan iOS va HyperOS operatsion tizimlariga ham RuStore ilovasini o‘rnatish talab etiladi. Avval bu ilova faqat Android va HarmonyOS qurilmalarida mavjud edi.
MAX messenjeri kelajakda “Gosuslugi” portali va “Sferum” ta’lim platformasi bilan integratsiya qilinishi rejalashtirilgan. Bu ilova oddiy messenjer sifatida emas, balki davlat xizmatlari bilan onlayn muloqot vositasi sifatida ham faoliyat yuritadi.
Ilovaning rasmiy taqdimoti kuzda bo‘lib o‘tadi. Hozirda esa foydalanuvchilar MAX messenjerida yozishmalarni amalga oshirishi, qo‘ng‘iroq qilishi, shuningdek ovozli xabar va fayllarni almashishi mumkin.
Bu yangi qadam raqamli xizmatlarni yanada qulay va samarali qilishga xizmat qiladi.
