Ilon Muskning X kompaniyasi tovon puli kelishuviga yaqin
Ilon Muskning X kompaniyasi 500 million dollarlik tovon puli da’vosi bo‘yicha kelishuvga yaqinlashmoqda. Bu haqida Zamin.uz xabar berdi.
Bu haqda TechCrunch nashri xabar berdi. Mazkur da’vo sobiq xodimlar tomonidan ochilgan bo‘lib, ular Musk Twitterni sotib olgandan keyin ishdan bo‘shatilgan.
2022-yilda Ilon Musk Twitter kompaniyasini sotib olgach, 6 mingdan ortiq xodimni ishdan bo‘shatgan va kompaniya xodimlar sonini taxminan 80 foizga qisqartirgan edi. Musk uch oylik tovon puli taklif qilgan bo‘lsa-da, da’vo arizasida ko‘plab sobiq xodimlar to‘liq tovon puli olmagan, ayrimlari esa umuman tovon puli olmaganligi ta’kidlangan.
Sud jarayonida 2019-yilda joriy etilgan Twitterning tovon puli rejasi muhokama qilindi. Ushbu rejaga ko‘ra, yirik lavozimdagi xodimlarga olti oylik maoshgacha tovon puli va xizmat yili uchun qo‘shimcha bir hafta maosh to‘lanishi kerak edi.
Dastlab sud Musk bu rejani bajarishi shart emas, degan qaror chiqargan, ammo apellyatsiya sudidan so‘ng tomonlar muammoni hal etish uchun muzokaralar olib bormoqda. Hozirda tomonlar kelishuvga erishish uchun faol ish olib bormoqda.
Bu ish kompaniya va sobiq xodimlar o‘rtasidagi munosabatlarni tartibga solishda muhim ahamiyatga ega hisoblanadi.
