Mobiuz Qoraqalpog‘iston va Xorazmda eng tez internetni taqdim etdi
Mobil aloqa operatori Mobiuz Qoraqalpog‘iston Respublikasi va Xorazm viloyatining aholisi zich yashaydigan hududlarida mobil internet tezligi bo‘yicha barcha raqobatchilaridan oldinda turibdi. Bu haqida Zamin.uz xabar berdi.
Bu haqda O‘zbekiston Telekommunikatsiya tarmoqlarini boshqarish Respublika markazi ma’lumot berdi. 2025-yil 5-avgustdan 24-avgustgacha o‘tkazilgan mustaqil radiomonitoring natijalari shuni ko‘rsatdiki, Mobiuz O‘zbekistonning g‘arbiy hududlaridagi shahar va tumanlarda 4000 kilometrdan ortiq masofada eng yuqori internet tezligi va tarmoq barqarorligini ta’minlagan.
Qoraqalpog‘istonda o‘rtacha mobil internet tezligi 59,99 megabit/soniya, Xorazm viloyatida esa 36,79 megabit/soniyaga yetgan. Bu ko‘rsatkichlar operatorning texnik imkoniyatlari va infratuzilma sifatining yuqoriligidan dalolat beradi.
Shuningdek, tahlillar Mobiuzning nafaqat yuklab olish tezligi, balki signal barqarorligi va ma’lumot uzatish sifati bo‘yicha ham yetakchi ekanligini tasdiqlaydi. Mustaqil radiomonitoring natijalari ushbu operatorning sohadagi ishonchli va ustun o‘rnini yana bir bor mustahkamlagan.
