Samarqand viloyatining Oqdaryo tumanida Xitoyning Yaxing Guoji Maoyi kompaniyasi 28 million dollarlik loyiha doirasida bir nechta mahsulotlarni ishlab chiqarishni boshlaydi. Bu haqda Zamin.uz xabar berdi.
Ushbu loyiha haqida uz24.uz sayti xabar berdi. Loyihaga ko‘ra, zavodda alkogolsiz ichimliklar, kir yuvish kukuni, ikki va to‘rt g‘ildirakli elektrosamokatlar hamda quyosh panelli ko‘cha chiroqlari ishlab chiqariladi.
Ushbu mahsulotlar birinchi marta Samarqandda mahalliylashtiriladi va ishlab chiqariladi. Investorlar “Urgut” erkin iqtisodiy zonasining filiali joylashgan Dahbed massiviga avtomobil yo‘li zarurligini ta’kidlab, viloyat hokimidan infratuzilmaviy yordam so‘rashgan.
Loyihaning 2026-yil fevral oyida ishga tushishi kutilmoqda. Shu bilan birga, loyiha natijasida 40 ta yangi ish o‘rni yaratilishi rejalashtirilgan.
Bu esa viloyat iqtisodiyotining rivojlanishiga va aholi bandligining oshishiga xizmat qiladi.
